Axtardığınızı bizdə tapın
Kurslar, Tədris mərkəzləri, Bağçalar, Məktəblər, Təlimlər, Kolleclər...
Məktəblər Cəmi: 507
İlqar Cəfərov adına 260 nömrəli tam orta məktəb
İlqar Cəfərov adına 260 nömrəli tam orta məktəb 1975-ci ildə tikilib. Məktəb Bakı şəhəri İcra Hakimiyyəti tərəfindən 2012-ci ildə əsaslı təmir olunub. 700 nəfərlik şagird tutumuna malik olan məktəbimiz 4 mərtəbəli olmaqla 1 akt zalı, 1 idman zalı, 1 kitabxana, 1 tibb otağı, 1 bufet, 3 laboratoriya və sinif otaqlarından ibarətdir. Məktəb beş günlük iş rejimində, bir növbədə işləyir. 2016-2017-ci tədris ilindən etibarən məktəbimizdə məktəbəhazırlıq qrupları, 2017/2018-ci tədris ilindən etibarən isə təmayül siniflər fəaliyyət göstərir. 2018-2019-cu tədris ilində ali təhsil müəssisələrinə qəbul göstəricisi məktəb üzrə 70 %-dən yuxarı olub. XI sinfi bitirən 42 məzundən 5 məzun 500-dən yuxarı bal toplayaraq tələbə adını qazanıblar. Cari tədris ilində məktəbdə 649 şagird təhsil alır. Onların təlim-tərbiyəsi ilə 54 pedaqoji işçi məşğul olur. Məktəbimizdə bütün fənləri ixtisaslı müəllimlər aparır.
- 1
Xətai rayon 264 nömrəli məktəb-lisey
264 nömrəli məktəb-lisey 1981-ci ildən fəaliyyətə başlayıb. Məktəb 1176 yerlikdir, bir korpusdan və 3 mərtəbəli binadan ibarətdir. Prezident İlham Əliyevin sərancamı ilə 2015-ci ildə əsaslı təmir olunmuş və 12.09.2015-ci il tarixində Azərbaycan Respublikasının Prezidentinin iştirakı ilə məktəbin açılışı olmuşdur. Liseydə 41 sinif otağı, fənn kabinetləri, fizika, kimya, biologiya laboratoriyaları, internet şəbəkəsinə qoşulmuş elektron lövhələrlə təchiz olunmuş 4 kompüter otağı, müəllimlər otağı, tibb məntəqəsi, zəngin kitabxana, bufet, müxtəlif idman avadanlıqları ilə təmin olunmuş idman zalı və akt zal mövcuddur. Məktəb 5 günlük iş rejimində, 2 növbədə işləyir. Məktəbin X-XI sinifləri pilot siniflərdir. Məktəbdə 108 müəllim fəaliyyət göstərir və 1851 şagird təhsil alır. Təlim Azərbaycan və rus dillərində aparılır. Məktəbin foyesində Ulu Öndər Heydər Əliyevin və Prezident İlham Əliyevin təhsilə göstərdikləri qayğını əks etdirən fotostendlər vurulmuşdur. Məktəb-lisey 2008-2009-cu və 2013-2014- cü tədris ilində ilin ən yaxşı məktəbi müsabiqəsinin qalibi olmuşdur. Bir məzunumuz qızıl medalla bitirmiş və yüksək balla ali məktəbə qəbul olunmuşdur. Məzunlarımızın əksəriyyəti yüksək balla ali məktəblərə qəbul olunmuşlar. Məzunlarımız arasında xarici ölkə ali məktəblərində təhsil alanlar, müxtəlif dövlət və özəl sektorlarda çalışanlar da var. Hər il məktəbin şagirdləri müxtəlif müsabiqə, fənn olimpiadaları, intellektual, hərbi və idman yarışlarında iştirak edərək müxtəlif nəaliyyətlər əldə edirlər. Şagirdlər rayon, şəhər və respublika üzrə keçirilən müxtəlif idman yarışlarının, sərgi və müsabiqələrin iştirakçısı və qalibləri olmuş, diplom və kuboklara sahib olmuşlar. Məktəbimizdə təlim-tərbiyə işi ilə yanaşı tarixi günlər, bayramlar qeyd olunur, fənn gecələri keçirilir, şagirdlərə vətənpərvərlik hissi aşılanır. Məktəb kollektivi milli və bəşəri dəyərlər üzərinə qurulan təhsil modelinin reallaşdırılmasının və gənc nəslin nümunəvi vətəndaş kimi formalaşdırılmasının təmin olunması məqsədilə çalışır.
- 1
R.Məmmədov adına 269 nömrəli tam orta məktəb
Bakı şəhəri Xətai rayonu R.Məmmədov adına 269 nömrəli tam orta məktəbin əsası 1984 cü ildə qoyulmuşdur. Həmin ildən tədris ocağı kimi fəaliyyətə başlamışdır. Hal hazırda məktəbimizdə 112 müəllim çalışır. 62 sinifdə şagirdərin sayı 1674 nəfərdir. Məktəb ikinövbəli iş rejimində fəaliyyət göstərir. O, Bakı şəhərində sayılıb-seçilən elm ocaqlarından biridir. Məktəbin direktoru Alla xanım Vəzirova , təlim –tərbiyə işləri üzrə direktor müavinləri Abdullayeva Xalidə Rzaqulu qızı, Mirbabayeva Elmira Məmməd qızı, tərbiyə işləri üzrə direktor müavini Orucov Qəhrəman Camal oğludur. Xətai rayonundakı 269 №-li tam orta məktəbin direktoru Alla İqoryevna Vəzirova 48 ildir ki, fasiləsiz olaraq təhsil sahəsində çalışır. Bu məktəbdəki iş stajı isə 1984-cü ildəndir, yəni artıq 33 ildir. Azərbaycan təhsilinin inkişafı üçün indiyədək əlindən gələn hər şeyi etmişdir. Təsadüfi deyildir ki, həm təhsildə, həm də məktəbin idman həyatında o, öz işi və rəhbərliyi ilə çox böyük irəliləyişlərə nail olmuşdur. Hərbi – vətənpərvərlik sahəsində məktəb həmişə qalib yerləri tutmuşdur. Fənn olimpiadaları , müxtəlif festivallar, ədəbi-bədii tədbirlər, müsabiqələr, disputlar, görkəmli şəxsiyyətlərlə görüşlər, siyasi tədbirlər və s. Bu illər ərzində məktəbin qaynar həyatını bəzəmişdir. Əlbəttə ki, onun rəhbərliyi ilə təhsil sahəsindəki uzun illər ərzində göstərdiyi xidmətlər əbəs yerə getməmişdir. 10 il əvvəl ölkə Prezidenti cənab İlham Əliyev əməyini yüksək qiymətləndirərək ona ,,Əməkdar müəllim” fəxri adını vermişdir. Budur, 03 oktyabr 2017-ci il daha bir xoş xəbər eşitdik. Prezidentin Sərəncamına əsasən o, ,,Azərbaycan Respublikası Prezidentinin fəxri diplomu “ ilə təltif edildi. Bu, tək Alla xanımın deyil, bizim bütün kollektiv üzvlərinin sevincinə səbəb oldu. Biz hamımız ona can sağlığı arzulayır və ürəkdən təbrik edir, gələcək işlərində daha böyük müvəffəqiyyətlər diləyirik. Məktəbimizin pedaqoji kollektivi də həmişə fədakarlıqla çalışmış, öz bilik və bacarıqlarını gənc nəslin nümayəndələrinə ötürmək üçün əllərindən gələni etmişlər. Bu təhsil ocağını fərqləndirən cəhətlərdən biri də "Sağlam bədəndə sağlam ruh olar" şüarını əldə tutaraq idman sahəsinə üstünlük verilməsidir. Dəfələrlə basketbol və voleybol üzrə keçirilən məktəblərarası yarışlarda birincilik əldə edilmişdir. Yüksək bal toplamış bir çox məzunlarımız xarici ölkələrdə təhsil alırlar. Məktəbimizdə son əsaslı təmir işləri 2012-ci ildə aparılmışdır. Şagirdlərimiz müxtəlif şəhər və Respublika olimpiadalarında , musiqi, rəsm və s. yarışlarda iştirak edərək uğur qazanmışlar. Şagirdlərin idman sahəsindəki qələbələri bizi çox sevindirir. Məktəbimiz ötən dərs ilində bir çox nailiyyətlərə imza atdi, müxtəlif layihələrdə iştirak etdi və qaliblər arasında yer aldı. Məktəbimizin kollektivi öz işinə vicdanla , böyük məsuliyyətlə yanaşır, şagirdlərin daha çox bilik və bacarıq qazanması üçün əlavə üsul və vasitələrdən istifadə edir, təhsillərini artırır, öz üzərlərində müntəzəm olaraq çalışırlar. Ümidvarıq ki, dövlətin təhsil sahəsində qarşımıza qoyduğu bütün vəzifələrin öhdəsindən kollektivimiz bundan sonra da öhdəsindən müvəffəqiyyətlə gələcəkdir.
- 1
Məzahir Məmmədov adına 37 nömrəli tam orta məktəb
Məzahir Məmmədov adına 37 № - li tam orta məktəb Bakı şəhər Nərimanov rayonunda yerləşir. Məktəb 1956-ci ildən fəaliyyət göstərir, 1 korpusdan ibarətdir. Azərbaycan Respublikası Prezidentinin sərəncamı ilə “2011-2013-cü illərdə Bakı şəhər və şəhərətrafı qəsəbələrinin sosial-iqtisadi inkişafına dair Dövlət proqramı ” əsasında 37 № li tam orta məktəb əsaslı təmir olunmuşdur. Həftənin 5 günü işləyir, iki növbəlidir. Hal-hazırda 23 sinif, 477 şagird 1-ci növbədə, 5 sinif, 129 şagird isə 2-ci növbədə təhsil alır. 2017-2018-ci tədris ilində məktəbimizdə 60 nəfər müəllim və 17 nəfər texniki işçi fəaliyyət göstərir.
- 1
Tahir Həsənov adına 57 nömrəli tam orta məktəb
Əsası 1930-cu ildə qoyulmuş şəhid Tahir Həsənov adına 57 N-li tam orta məktəbin məqsədi milli ruhda nümunəvi tərbiyə və təhsil sisteminin inkişafına xidmət etməkdir. Təhsil ocağının foyesində Ulu Öndər Heydər Əliyevin və Prezident İlham Əliyevin təhsilə göstərdikləri qayğısını əks etdirən fotostend və məktəbin adını daşıdığı şəhidin büstü qoyulub. Öz uğurlarını getdikcə artırmağa çalışan məktəbimizdə məzunlarımız yüksək nəticə göstərərək müxtəlif nüfuzlu ali məktəblərə qəbul olunublar. Ölkədə insan kapitalının inkişaf etdirilməsi ilə bağlı dövlərimizin həyata keçirdiyi konseptual ideyalar məktəbin timsalında da öz uğurlu bəhrəsini verməkdədir. Məktəbin şagirdləri arasında müxtəlif bilik və idman olimpiadalarının, həmçinin yarışların qalibləri daimi diqqət və qayğı ilə əhatə olunublar. Məktəbimizdə təlim-tərbiyə işi ilə yanaşı tarixi günlər, bayramlar qeyd olunur, fənn gecələri keçirilir, şagirdlərə vətənpərvərlik hissi aşılanır. 2010-cu ildə məktəb ilk dəfə olaraq əsaslı təmir edilib. Məktəb 1 korpusdan ibarətdir və 1 növbəlidir. Hazırda məktəbdə 74 müəllim fəaliyyət göstərir, 878 şagird (məktəbəhazırlıq qrupunda 72 şagird) təhsil alır. Məktəbdə müasir tələblərə uyğun olan sinif otaqları, kitabxana, fənn kabinetləri, idman zalı, tibb məntəqəsi və bufet şagirdlərin istifadəsindədir. Kompüter avadanlıqları ilə təchiz olunmuş siniflər, müxtəlif tədbirlərin keçirilməsi üçün nəzərdə tutulan akt zalı hazır vəziyyətdədir. Şagirdlərimizin təlim-tərbiyəsi ilə məşğul olan fənn müəllimlərindən riyaziyyat müəllimi İlhamiyyə Cəfərova “Əməkdar müəllim” adına layiq görülüb. Digər bir müəllimimiz Vəlizadə Söylü “Qabaqcıl təhsil işçisi” nişanı ilə təltif olunub. Məktəbimizdə təlim-tərbiyə işinin keyfiyyətinin yüksəldilməsini təmin etmək üçün kurikulumun tətbiqinə səyimiz artır. Dövlət başçısının məktəblərin maddi-texniki bazasının möhkəmləndirilməsi ilə bağlı müəyyənləşdirdiyi strategiya nəticəsində ölkəmizdə güclü təhsil infrastrukturu formalaşıb. Bütün bunların nəticəsi olaraq kollektivimiz milli və bəşəri dəyərlər üzərində qurulan təhsil modelinin reallaşdırılmasınının və gənc nəslin nümunəvi vətəndaş kimi formalaşdırılmasının təmin olunmasını qarşısına məqsəd qoyub.
- 1
Nərimanov rayon 177 nömrəli tam orta məktəb
Bakı şəhəri 177 nömrəli tam orta məktəb 1933-cü ildə tikilib. Məktəb 2010-cu ildə Azərbaycan Respublikasının Prezidentinin sərəncamına əsasən “İlin ən yaxşı məktəbi” adına layiq görülüb. Məktəb 850 şagird üçün nəzərdə tutulub. 2006-cı ildə məktəbyanı boş sahədə 180 şagird yerli əlavə tədris korpusu inşa edilib. 2012-ci ildə məktəb dövlət tərəfindən əsaslı təmir olunub. 2018-2019-cu dərs ilində məktəbdə 1141 şagird 40 sinifdə komplektləşdirilib. Məktəbdə 3 məktəbəqədər hazırlıq qrupu və 2 günüuzadılmış qrup fəaliyyət göstərir. Məktəb 1 növbəli, 5 günlük iş həftəsi ilə işləyir. Məktəbdə təlim Azərbaycan və rus dillərində aparılır. Şagirdlərin təlim tərbiyəsi ilə 87 pedaqoji işçi məşğul olur. Pedaqoji kollektivin 92 faizi təhsilli müəllimlərdən ibarətdir. Onlardan "Qabaqcıl təhsil işçisi" adına, “Tərəqqi medalı”na layiq görülmüş müəllimlərimiz var. Məktəb "Pətək İB" nin "Sağlam qida -Sağlam nəsil" layihəsi, “Ekoloji yönümlü və enerji effektli məktəblərin Yaşıl şəbəkəsi” layihələrinə qoşulub. Məktəb “Ekoloji yönümlü və enerji effektli məktəblərin Yaşıl şəbəkəsi” müsabiqəsinin ən fəal məktəbi seçilib, diplomla təltif olunub. Şagirdlərdə liderlik və yaradıcı təfəkkürü inkişaf etdirən “Kiçik Akademiya” fəaliyyət göstərir. “Sabahın alimləri" VI və VII Respublika Müsabiqəsində iştirak edən şagirdlərimiz II yeri tutaraq gümüş medala, "Sabahın alimləri" VIII Respublika Müsabiqəsində məktəbin 10 "A" sinif şagirdi Nurullayeva Selcan Bakı şəhəri Akademik Zərifə Əliyeva adına liseyin şagirdi Məmmədzadə Vaqif ilə birgə I yeri tutaraq qızıl medala layiq görülmüşlər. Məktəbin zəngin kitabxanası mövcuddur. Şagirdlərin bədii ədəbiyyata marağını artırmaq məqsədilə kitabxananın illik iş planına uyğun olaraq mütəmadi şair və yazıçılarla görüşlər keçirir, şagirdlərin iştirakı ilə səhnələşdirilmiş tamaşalar, kütləvi kitabxanalara ekskursiyalar təşkil edilir. Məktəbin əsas məqsəd və vəzifələri ibtidai təhsil pilləsindən başlayaraq şagirdlərin keyfiyyətli təhsil almalarını təmin etməkdir. Məktəbdə şagirdlərə əsaslı bilik verməklə yanaşı onların yüksək mənəviyyatlı və milli – mənəvi dəyərlərə sadiq şəxsiyyət kimi formalaşdırılmasına, vətənpərvər ruhda tərbiyə olunmasına da xüsusi diqqət yetirilir. Məktəbdə şagirdlərin elmi dünyagörüşünün formalaşması, onların bilik və bacarıqlarının möhkəmlənməsi məqsədi ilə əyləncəli fənn gecələri, viktorinalar, diskusiya klubları və s. bu kimi tədbirlər təşkil edilir. Məktəbdə təhsilin keyfiyyətinin yüksəldilməsi istiqamətində aparılan məqsədyönlü işlərdən biri də fənlərin tədrisi vəziyyətinin müasir tələblərə cavab verən inteqrativ, İKT əsaslı təlim metodlarına uzlaşdırılmasından ibarətdir. Məktəb təhsil sahəsində yeniliklərin reallaşması istiqamətində durmadan çalışır və bu sahədə işini davam etdirir.
- 1
Etiraf Eyyubov adına 273 nömrəli tam orta məktəb
Etiraf Eyyubov adına 273 nömrəli tam orta məktəb Bakı şəhəri Qaradağ rayonu Sahil qəsəbəsində yerləşir.
- 1
Qurban Abbasov adına 288 nömrəli tam orta məktəb
Məktəb 1993 -cü il 9 yanvar tarixində ilk pedaqoji şurasını keçirmiş və bununla da fəaliyyətə başlamışdır.
- 1
Xəzər rayon 117 nömrəli tam orta məktəb
Xəzər rayonunda yerləşən 117 nömrəli tam orta məktəb Heydər Əliyev Fondunun “Yeniləşən Azərbaycana yeni məktəb” layihəsi çərçivəsində yenidən tikilib.
- 1
Xəzər rayon 181 nömrəli tam orta məktəb
Bakı şəhəri 181 nömrəli tam orta məktəb 1965-ci ildən fəaliyyət göstərir. Məktəb 2011-ci ildə Bakı Şəhəri İcra Hakimiyyəti tərəfindən əsaslı təmir olunub.
- 1
Xəzər rayon 185 nömrəli tam orta məktəb
Bakı şəhəri 185 nömrəli tam orta məktəb Xəzər rayonunda yerləşir. Məktəbin inşasına 1933-cü ildən qəsəbə sakinlərinin əməyi nəticəsində başlanmışdır.
- 1
E.Əliyev adına 234 nömrəli tam orta məktəb
Bakı şəhəri Xəzər rayonu E.Əliyev adına 234 nömrəli tam orta məktəb 1953 - cü ildən fəaliyyət göstərir.
- 1
EduList - Onlayn təhsil
Axtardığınızı bizdə tapın
Axtarış
Bazada olan məktəb, bağça, təlim, kurs və digər bölmələrdə axtarış.
Məlumat
Kurslara "EDULİST"-dən onlayn yazılın.
Rahat seçim
Şəhər və rayonlar üzrə.