Axtardığınızı bizdə tapın
Kurslar, Tədris mərkəzləri, Bağçalar, Məktəblər, Təlimlər, Kolleclər...
Məktəblər Cəmi: 507
Həzi Aslanovun adına 175 nömrəli tam orta məktəb
Bakı şəhəri Yasamal rayonu 175 №-li tam orta məktəb 2 dəfə Sovet İttifaqı Qəhrəmanı adını alan Həzi Aslanovun adını daşıyır. 1953-cü ildən fəaliyyət göstərir və iki korpusdan ibarətdir. Şagird tutumu 1000 nəfərdir, 1382 şagirdin təlim-tərbiyəsi ilə 121 müəllim məşğul olur, onlardan iki nəfəri fəlsəfə doktoru, iki nəfəri isə qabaqcıl təhsil işçisidir. Məktəb təhsilin məzmun və keyfiyyətinin müasir səviyyədə qurulması istiqamətində daima axtarışdadır, bunun nəticəsidir ki, Yasamal rayonunda olan qabaqcıl məktəblərdən biridir. Tələbə qəbulu üzrə göstərici daima 57-67% səviyyəsində olmuşdur. Məktəbin idman yarışlarında (basketbol, şahmat, çoxnövçülük və s.) nailiyyətləri böyükdür. Rəsm müsabiqələrində dəfələrlə layiqli yerlər tutmuşlar.
- 0
Yasamal rayon 225 nömrəli tam orta məktəb
225 nömrəli məktəb 1964-cü ildən fəaliyyət göstərir. 2011-ci ildə Dövlət proqramına əsasən məktəb Azərbaycan Respublikasının prezidenti İlham Əliyev cənablarının sərəncamına əsasən Bakı şəhəri İcra Hakimiyyəti tərəfindən əsaslı təmir olunmuşdur. Paytaxtın nümunəvi təhsil ocaqlarından sayılan 225 nömrəli məktəb 2009-2010-cu tədris ilinin ən yaxşı məktəbi adına layiq görülüb. Dördmərtəbli, bir korpusludur. Məktəb iki növbəli və beş günlük iş rejimi ilə fəaliyyət göstərir. Məktəbdə dərslər Azərbaycan və rus bölməsində aparılır. Rəhbərlik 2002-2006-cı illərdə məktəb idarəetmə strukturunun öyrənilib tətbiq edilməsi ilə bağlı Türkiyədə 1 ay seminarda olmuşdur. Məktəbin İdarəetmə strukturu müəllim şurası, valideyn şurası və şagird şurasından ibarət komanda olaraq uğurlu fəaliyyət göstərir. Məktəbdə yapon dili və ərəb dili tədris olunur. “Təhsildə İKT-nin tətbiqi, bilik, təcrübə, texnologiya” adlı baxış sərgisində 4 müəllim iştirak edib, onlardan 2 nəfəri I və II yerlərə layiq görülmüşdür. Məktəbimizdə Vergilər Nazirliyinin Metodkabineti yerləşir. Vaxtaşırı keçirilən vergilərlə bağlı olimpiadalarda, müsabiqələrdə şagirdlərimizdən Pərviz Heydərov, Kənan Bağırov I və II dərəcəli diplomlara layiq görülmüşlər. • Məktəbin məqsədi – nümunəvi tərbiyə və təhsil sistemi yaratmaqdır. • 2011-ci ildə tarix müəllimi Vəliyeva Pəri ,2012-ci ildə isə məktəbin direktoru Sevda Eminova “Əməkdar müəllim” fəxri adına layiq görülmüşdür • Respublika daxili əməkdaşlıq: Ekologiya Nazirliyi, Daxili İşlər Nazirliyi, Vergilər Nazirliyi, qeyri hökumət təşkilatı “Mülk İctimai Assosiasiyası” • Xarici əlaqələr: Yaponiya, Almaniya, Koreya, Rusiya, Gürcüstan • Məktəbin fəxrləri: Səməd Seyidov, Milli qəhrəman Fəxrəddin, şəhid Sədrəddin Seyidəliyev, şəhid Fərman Məlikov və məktəbin adını daşıyan şəhid Telman Abbasov.
- 0
Yasamal rayon 286 nömrəli tam orta məktəb
Bakı şəhəri 286 №-li tam orta ümumtəhsil məktəbi 1992-ci ildən fəaliyyət göstərir. Məktəbdə 2 bölmə, Azərbaycan və Rus bölmələri fəaliyyət göstərir. 2009-cu ildə məktəb göstəricilərinə görə "İlin məktəbi" müsabiqəsinin qalibi olmuşdur. Məktəbi bitirən şagirdlərin böyük əksəriyyəti yüksək nəticə ilə Respublikanın aparıcı ali təhsil müəssisələrinə qəbul olurlar. Məktəb 2008-ci ildə Təhsil Nazirliyi tərəfindən təmir edilmişdir. 2015/2016-cı tədris ilində məktəbdə 94 sinif, 2016/2017-ci tədris ilində 96 sinif (76 Azərbaycan, 20 Rus bölməsi), 2 GUQ fəaliyyət göstərir. Məktəb üzrə şagirdlərin sayı 2351-dir. Onların təlim-tərbiyəsi ilə 284 nəfər pedaqoji işçi məşğul olur. Pedaqoji işçilərdən 5 nəfər "Elmlər namizədi", 1 nəfər isə "Əməkdar müəllim"dir.
- 0
Yasamal rayon 308 nömrəli tam orta məktəb
05.09.2007 ci ildə Yeni Yasamal - II massivi Ə.Əhmədov küçəsində 308 № -li tam orta məktəb fəaliyyətə başlamışdır.1296 yerlik olan məktəb "Azərbaycan Respublikası Təhsil Nazirliyi və Səudiyyə İnkişaf fondu "tərəfindən tikilmişdir. Məktəb 6 korpusdan ibarət 3 mərtəbəlidir.4 korpus tədris,2 korpus isə inzibati bina kimi nəzərdə tutulmuşdur.Məktəbdə 34 kompüter olmaqla 2 informatika kabineti, 37 sinif otağı ,18 kabina ,oxu zalı ,yardımcı otaqlar ,üzgüçülük hovuzu ,idman zalı ,300 nəfərlik akt zalı ,240 yerlik bufet tam istifadə olunmaqla fəaliyyət göstərir.Məktəb Azərbaycan dilində fəaliyyət göstərir və ikinövbəlidir.Tələbə Qəbulunun Dövlət Komisiyasının rəsmi məlumatına əsasən 2008-2009 cu tədris ilində şagird qəbulu 43.47% ,2009-2010 tədris ilində 47.83 % ,2010-2011 ci tədris ilində 49.3% ,2011-2012 ci tədris ilində isə 65 % olmuşdur. Bununla yanaşı Azərbaycan Respublikası Prezidentinin avqust 26.12.2013 -cü tarixli 3043 nömrəli Sərəncamı ilə Bakı şəhəri 308 nömrəli tam orta məktəb 2012 \ 2013-cü dərs ilində keçirilmiş "Ən yaxşı ümumtəhsil məktəbi " müsabiqəsinin qalibi olmuşdur.Məktəbdə fəaliyyət göstərən müəllim sayı 117, təhsil alan şagird sayı isə 1747 nəfərdir .Məktəbimizdən bir neçə şagird 2013 cü ildə Rəqs üzrə beynəlxalq müsabiqədə ölkəmizi təmsil etmiş və I yerə layiq görülmüş , bununla yanaşı idman sahəsində cudo üzrə bir neçə şagirdimiz İranda məktəbimizi təmsil etmiş və II yerə layiq görülmüşdür."Xüsusi İstedada Malik olan Uşaqların (Gənclərin) Potensialının İnkişafı Üzrə Dövlət Proqramı (2006-2010 cu illər) III dərəcəli diploma layiq görülmüşdür.Həmin şagird hal-hazırda Türkiyənin Ankara şəhərində OTTİ Universitetində təhsil alır.Bununla yanaşı 9 noyabr Azərbaycan Dövlət Bayrağı günü münasibəti ilə "Mənim bayrağım "mövzusunda keçirilmiş şer müsabiqəsində fərqləndiklərinə ,I yer tutduqlarına görə Yasamal rayonu Gənclər idman İdarəsinin xüsusi diplomlarına layiq görülmüşdürlər.2009 -2010 cu tədris ilində şagirdlərimizdən Yasamal rayonu (Riyaziyyat ) fənni üzrə olimpiadasında I yer tutaraq qalib olmuşdur.Müəllimlərimizdən isə (coğrafiya ,İbtidai sinif ,Dil/ədəbiyyat )gənc nəslin təlim -tərbiyəsində "Fəxri Fərman "ilə təltif olunmuşdur.İKT -dən istifadə 95% -dir.Məktəbin foyesində Ulu Öndərin büstü qoyulmuş və mütəfəkkirlərin em ,təhsillə bağlı kəlamları asılmışdır.Şagirdlərlə bağlı qaydalar ,Dövlət rəmzləri foyelərdə və sinif otaqlarında asılmışdır.Daxili intizama nəzarət məqsədi ilə dəhlizdə videokamera quraşdırılmışdır.
- 0
Xətai rayon 17 tam orta nömrəli məktəb
Bakı şəhəri Xətai rayonu 17 nömrəli məktəb 1979 - cu ildən fəaliyyət göstərir. Açıldığı ilk 10 il ərzində sırf rus bölməsi kimi fəaliyyətə başlayan məktəbdə 1990 - cı ildən Azərbaycan bölməsi də fəaliyyət göstərməyə başlamışdır. Hal –hazirda məktəbdə həm azərbaycan , həm də rus bölmələri fəaliyyət göstərir. Azərbaycan bölməsində 34 sinifdə 830, rus bölməsində 36 sinifdə 950 şagird təhsil alır. Məktəb son illərdə öz göstəricilərinə görə digər məktəblər arasında xeyli fərqlənmişdir. Belə ki, öz göstəricilərinə görə məktəb 2013 - cü ildə buraxılış imtahanlarındakı göstərdiyi nəticələrə uyğun ilk 50 məktəb , 2014 - cü ilin nəticələrinə görə ilk 30 məktəb sırasına daxil olmuşdur. Qeyd etmək lazımdır ki, bu reytinq cədvəlində Təhsil Nazirliyinin tabeliyində olan məktəblər , liseylər, gimnaziyalar da olmuşdur. Məktəbimiz Azərbaycan Respublikasının Prezidentinin 1 sentyabr 2009-cu il tarixli sərəncamı ilə 2008/2009-cu tədris ilində keçirilmiş “Ən yaxşı ümumtəhsil məktəbi” müsabiqəsinin qalibi olmuşdur. Məktəbdə əmələ gəlmiş sıxlığı azaltmaq məqsədi ilə 2005 - ci ildə 480 yerlik ikinci tədris korpusu istifadəyə verilmişdir. 2013 cü ildə məktəbin əsas korpusu əsaslı təmir olunmuşdur. 2014/2015-ci tədris ilində ali məktəblərə qəbul zamanı əldə olunan yüksək nəticəyə görə Xətai rayon İcra Hakimiyyətinin Başçısı tərəfindən məktəbimiz “Fəxri fərman” ilə təltif olunmuşdur. Məktəbdə hal-hazırda təhsil alan 1780 şagirdin təlim–tərbiyəsi ilə 128 müəllim məşğul olur. İl ərzində məktəbdə bütün fənnlər üzrə açıq dərslər təşkil olunur,dəyirmi masalar keçirilir.Milli kurrikkulumun öyrənilməsi və tətbiqi il boyu diqqət mərkəzində saxlanılır.Məktəbin müəllimlərinin silsilə açıq dərsləri keçirilir,məktəb üzrə yayılmaq üçün məsləhət görülür.Dərslərdə müasir texnologiyaya üstünlük verilir.
- 0
Xətai rayon 24 tam orta nömrəli məktəb
Məktəb 1980-cı ildə inşa edilmiş və 1981-ci ildən fəaliyyətə başlamışdır. Məktəb 1178 şagird üçün nəzərdə tutulmuşdur. Məktəbdə fizika, kimya, biologiya laboratoriyaları və kompyuterlə təchiz olunmuş informatika kabineti mövcuddur. Hal-hazırda məktəbdə 1140 şagird təhsil alır və bu şagirdlərin təlim-tərbiyəsi ilə 86 pedaqoji işçi məşğul olur. Məktəbin direktoru Əhmədova Şəhanə Şamil qızıdır.
- 0
Xətai rayon 25 saylı tam orta məktəb
Bakı şəhəri Xətai rayonu 25 saylı tam orta məktəbin binası 1977-ci ildə tikilib, 1978-ci ildə istifadəyə verilib. Tədris həm Azərbaycan, həm də Rus dilində aparılır. 15.09.2014-cü ildə məktəbimizin nəzdinə 88 saylı tam orta məktəbdən axşam-əyani sinifləri köçürülüb. Məktəbimiz sonuncu dəfə 2012-ci ildə yenidən təmir olunub. Təmir istənilən səviyyədə olunmuşdur. Məktəbimizdə tədris 97 müəllim tərəfindən aparılır. Hal-hazırda məktəbimizin gündüz bölməsində 732 şagird, axşam-əyani siniflərində 135 şagird təhsil alır. Məktəbin məzunlarının artıq son 10 ildə ali məktəblərə test üsulu ilə qəbul faizləri xüsusi ilə Rus bölməsində çox yüksəkdir.
- 0
Xətai rayon 27 nömrəli tam orta məktəb
Bakı şəhəri Xətai rayonu 27 nömrəli tam orta məktəb 1959- cu ildən fəaliyyət göstərir. Keçmiş SSRİ Maarif Nazirliyinin əmri ilə İngilis dili dərindən öyrədilən orta ümumtəhsil məktəbi adlanmışdır.Hal hazırda tam orta məktəb adlanır. Məktəb 2008-ci ildən Beynəlxalq layihəyə qoşulduğu üçün “İngilis dilinin intensiv tədrisi” layihəsinə əsasən ingilis dili dərsləri Kembric proqramına uyğun tədris olunur.Məktəbimiz iki dəfə- Azərbaycan Respublikası Prezidenti İlham Əliyevin sərəncamı ilə 19 avqust 2008-ci il tarixli 2007/2008-ci tədris ilində və 2-ci dəfə Azərbaycan Respublikası Prezidentinin 6 avqust 2013-cü il tarixli 3043 nömrəli sərəncamı ilə 2012/2013-cü dərs ilində keçirilmiş “ Ən yaxşı ümumtəhsil məktəbi” müsabiqəsinin qalibi olmuşdur. Məktəbdə 3 nəfər müəllim Azərbaycan Respublikasının “Əməkdar Müəllimi” fəxri adını daşıyır. Məktəbin birinci korpusu 4 mərtəbəli, 2008-ci ildə tikilən 2-ci korpusu isə 3 mərtəbəlidir. Birinci korpus 960, ikinci korpus isə 380 nəfər şagirdin təhsil alması üçün planlaşdırılmışdır. Məktəb, 2012-ci ilin yayında Dövlət Proqramı əsasında əsaslı təmir edilmişdir. Məktəbdə zəngin fənn kabinetləri, Respublika Prezidentinin Təhsil haqqında sərəncamları, Nazirlər kobinetinin qərarları, Təhsil İslahatını əhatə edən, müasir tələblərə cavab verən stendlər hazırlanmışdır ki, bu da öyrədici mühitin yaradılması üçün əsas şərtlərdən biridir. Məktəbdə fənlərin tədrisi innovasiyalar yeni təlim texnologiya və fəal ( interaktiv ) təlim metodları ilə aparıldığına görə müəllimlər mütəmadi olaraq ixtisasartırma ixtisasartırma kurslarından və treninqlərdən keçirlər. Məktəbdə 1775 nəfər şagird, 121 nəfər müəllim çalışır. Müəllimlərin 117 nəfəri ali təhsilli, 4 nəfəri isə orta ixtisas təhsillidir. Siniflərdə şagirdlərin orta sıxlığı 29 nəfərdir.Məktəb 5 günlük iş rejimində , I növbədə işləyir. Hər bir fənn üzrə məktəbdə 2-4 zənginfənn kobineti yaradılmış tədris proqramı əsasında tərtib edilmişdir.
- 0
Xətai rayon 29 nömrəli tam orta məktəb
Məktəb 1976 –cı ildə istifadəyə verilib. 1176 şagird yeri var. Tədris korpusu, idman zalı, yeməkxanası, kitabxanası, akt zalı, kimya, fizika, biologiya laboratoriyaları, informatika kabineti, müasir tələblərə cavab verən GÇQH kabineti, akt zalı, həyətdə idman meydançaları və idman qurğuları, o cümlədən abad həyətyanı sahəsi var.Məktəb 2012-ci ildə dövlət vəsaiti hesabına əsaslı təmir edilib.Məktəb I növbə 5 günlük iş rejimi ilə işləyir.Məktəb 100% ixtisaslı kadrlarla təmin olunub.Məktəbin pedaqoji kollektivi fənn kurikulumlarının tətbiqindən sonra bir sıra kurslarda o cümlədən kompyuter kurslarında, “İntel”, “Mimio” layihələrində, kurikulumun tətbiqi ilə əlaqədar ixtisasartırma kurslarında iştirak etmişlər.Hazırda məktəbdə olan elektron dərsliklərdən müəllimlər daimi istifadə edir, özləri elektron dərslər qurur və onu uğurla tətbiq edir, məktəb şagirdləri onlara verilən ev tapşırıqlarını layihə şəklində hazırlayırlar.Məktəbdə fənn kurrikulumlarının tətbiqi və yeni qiymətlənləndirmə ilə əlaqədar tez-tez seminarlar, fikir mübadilələri təşkil edilir ki, bu da müəllimlərin bilmədiklərini bir-birindən öyrənməyə kömək edir.Məktəbdə 6-cı sinifdən başlayaraq fakültətiv və fərdi qrup məşğələləriüçün ayrılmış saatlar şagirdlərin arzusu ilə ayrı-ayrı fənnlərə 10-11-ci siniflərdə isə fənn sahələrinə verilir və bu istiqamətdə daha geniş işlər aparılır.Məktəbdə təcrübəli müəllimlərdən ibarət “Qabaqcıl təcrübə məktəbi”, “Metodiki Şura” fəaliyyət göstərir ki, onlar da öz toplantılarında gənc müəllimlərə kömək etməklə yanaşı daimi təcrübə mübadiləsi aparır, mətbuatda çıxan məqalə və yenilikləri müzakirə edir və gündəlik işlərinə tətbiq edirlər.2010-2011-ci illər ərzində məktəbin pedaqoji kollektivi 100% “İntel”, “Gələcəyə yönəlik təhsil” layihəsində kompyuter kurslarındankeçib sertifikat almışlar.2010-2011-ci ildə 30 nəfər müəllimimiz öz hesablarına “Mimio” kurslarına getmiş elektron qələm, ağıllı hövhə kimi vasitələrdən istifadə qaydalarını öyrənmişlər.Bakı şəhər PKİYH-da son 5 ildə 90% müəllimlər ixtisasartırma kurslarından keçmişlər əlavə olaraq 1-4-cü sinif və5-ci siniflərdə işləyən müəllimləri 100% kurrikulum kurslarından keçmişlər.Yuxarıda göstərilən tədbirlərdən əlavə məktəbdə hər həftə sonu mətbuatda çıxan rəsmi sənədlər və ayrı-ayrı fənn müəllimlərinin təcrübələri haqqında mətbuatdakı yazılar müzakirə edilir, üstün cəhətləri qəbul olunaraq təcrübədə tətbiq olunur.2013-cü ildə məktəb "ilin ən yaxşı ümumtəhsil məktəbi" müsabiqəsinin qalibi olmuşdur.
- 0
Xətai rayon 55 nömrəli tam orta məktəb
Bakı şəhəri 55 nömrəli tam orta məktəb 1991-ci ildə fəaliyyətə başlamışdır. 2013/2014-cü tədris ilində məktəb yenidən tikilib istifadəyə verilmişdir. Məktəbdə həmçinin xüsusi siniflərdə nitq qüsurlu şagirdlər təhsil alır. Məktəb 5 günlük iş rejimi ilə bir növbədə işləyir və tədris Azərbaycan dilindədir. Məktəbdə 42 sinif otağı, avadanlıqla təchiz olunmuş 2 kompüter otağı, fizika, kimya, biologiya kabinetleri və laboratoriyaları, kitabxana, idman və akt zalı mövcuddur. Bəzi sinif otaqlarında “Prometan” elektron lövhə quraşdırılıb və tədris prosesində onlardan istifadə edilir. Məktəbdə 2019-2020-ci tədris ilində 77 müəllim çalışır, 804 şagird təhsil alır. 2015/2016-cı tədris ilində keçirilən "Ekoerudit" Məktəblilərin Respublika Ekoloji Breyn-Rinq bilik yarışında Xətai rayonu üzrə məktəbin komandası II yerə layiq görülmüşdür. Bundan başqa, şagirdlərimiz müxtəlif şeir və mahnı müsabiqələrində, idman yarışlarında fəal iştirak etmiş və mükafatlara layiq görülmüşlər. 2018-ci ildə "Təhsildə inkişaf və innovasiyalar üzrə 2-ci qrant müsabiqəsi"ndə "Xüsusi siniflərdə (nitqi qüsurlu) təhsil alan şagirdlərin istedadının müəyyənləşdirilməsi, ilkin peşə ixtisas təhsilinə yönləndirilməsi" adlı layihənin qalibi olmuşdur.
- 0
Xətai rayon 56 nömrəli tam orta məktəb
Məktəb 1976-cı ildə istifadəyə verilmiş və 1982-ci ildə Ulu Öndər,Ümummilli lider Heydər Əliyev məktəbin az müddətdə qazandığı uğurlarla bağlı məktəbdə olmuş və təhsil işçilərinə öz dəyərli tövsiyələrini vermişdir. 2009-2010-cu tədris ilində keçirilmiş"50 ən yaxşı ümumtəhsil məktəbi" müsabiqəsində məktəbimiz qalib olmuşdur. Məktəbimiz əsaslı təmir və yenidənqurmadan sonra 4 avqust 2014-cü ildə istifadəyə verilmiş və möhtərəm Prezidentimiz İlham Əliyev cənabları açılışda iştirak etmişdir. Müəllimlərin sayı 73 nəfərdən ibarətdir. Məktəbdə təhsil alan şagirdlərin sayı 727 nəfərdir. Bütün bayramlar,tarixi günlər,görkəmli elm,incəsənət və ictimai xadimlərlə,müharibə veteranları və İcra hakimiyyətinin nümayəndələri ilə təşkil olunan görüşlər təqdirəlayiq olur və mətbuatda işıqlandırılır.Müəllimlərimiz "İlin ən yaxşı müəllimi" müsabiqəsində,şagirdlərimiz isə fənn olimpiadalarında aktiv iştirak edir və idmanın müxtəlif növlərində,hərbi idman oyunlarının fəallarından olurlar.
- 0
Xətai rayon 58 nömrəli tam orta məktəb
Bakı şəhəri 58 nömrəli tam orta məktəb 1926-cı ildə fəaliyyətə başlamışdır. Məktəb 2011/2012-ci tədris ilində möhtərəm Prezident İlham Əliyevin sərəncamı ilə “Ən yaxşı ümumtəhsil məktəbi” müsabiqəsində qalib elan olunmuşdur. 2014/2015-ci dərs ilində məktəbin binası əsaslı təmir olunmuş və əlavə olaraq yeni tədris korpusu tikilmişdir. 2016-cı ildə Prezident İlham Əliyev açılışda iştirak etmişdir. Məktəb 5 günlük iş rejimi ilə, bir növbədə işləyir. Burada 94 nəfər müəllim çalışır.Şagirdlərin sayı 1235 nəfərdir. 2014-cü ildə keçirilən "Ekoerudit" Məktəblilərin Respublika Ekoloji Breyn-Rinq bilik yarışında məktəbin komandası I yerə layiq görülmüşdür. 2015/2016-cı tədris ilində IX sinflər üzrə buraxılış imtahanlarının nəticələrinə əsasən yüksək nailiyyət əldə etdiyi üçün Bakı şəhəri üzrə Təhsil idarəsi tərəfindən fəxri fərmanla təltif edilmişdir. 2017-ci ildə "Ekoloji yönümlü və enerji effektli məktəblərin Yaşıl Şəbəkəsi müsabiqəsinin ən fəal məktəbi" diplomuna layiq görülmüşdür. 2016/2017 , 2017/2018-ci dərs illərində XI sinif şagirdlərinin buraxılış imtahan nəticələrinə əsasən "Yaxşı nəticəli məktəb" statusunu almışdır. Bakı şəhəri üzrə 54-cü, Xətai rayonu üzrə isə 5-ci yerdə qərar tutmuşdur. 2017/2018-ci tədris ilində XI sinif məzunların 91%-i ali məktəblərə qəbul oluunmuşdur. 1 nəfər 700 bal, 4 nəfər isə 600-dən yuxarı nəticə göstərmişdir.
- 0
EduList - Onlayn təhsil
Axtardığınızı bizdə tapın
Axtarış
Bazada olan məktəb, bağça, təlim, kurs və digər bölmələrdə axtarış.
Məlumat
Kurslara "EDULİST"-dən onlayn yazılın.
Rahat seçim
Şəhər və rayonlar üzrə.